У Міжнародны Дзень Роднай мовы адбылося свята “Роднай мовы пералівы”. У атмасферы добразычлівасці прайшла размова пра гісторыю ўзнікнення Дня роднай мовы, пра неабходнасць яе захавання. Удзельнікі свята паслухалі, як цудоўна гучаць вершы на роднай мове, пазнаёміліся з беларускімі прыказкамі, паразгадвалі загадкі, пазнаёміліся з кнігамі на беларускай мове. Нашы дзеці спявалі песні на роднай мове, чыталі вершы, танцавалі народныя беларускія танцы, гулялі ў беларускія гульні. Дзеці зразумелі, што трэба любіць і шанаваць родную мову, бо менавіта ў мове захавана гісторыя нашага народа, сіла і краса народнага слова. Пасля мерапрыемства ў дзяцей засталіся толькі самыя найлепшыя ўражанні.
ШАНУЙЦЕ, ЛЮБІЦЕ РОДНУЮ МОВУ!